Vero

Vero                                                           [476 - 40]

Vero ekzistas. Nur la mensogo bezonas esti inventita.

La vero ne ĉiam estas probabla.

Kiam mi diras la veron, mi ne bezonas serĉi vortojn.

Se vi ne povas mensogi, tiam vi ne scias, kio estas vero.

Se vi ĉiam diras la veron, tiam vi neniam bezonas memori, kion vi diris.

La kredindeco de argumento ne dependas de ĝia vereco.

Vi povas trovi la veron pli facile forĵetante viajn proprajn opiniojn.

Ni serĉas la veron kaj ni trovas ĝin, sed nur kiam ĝi taŭgas al ni.

Kredoj estas pli danĝeraj malamikoj de vero ol mensogoj.

Vi rekonas la veron en ĝia simpleco.

Neniu ĝeneraligo estas absolute vera, eĉ ne ĉi tiu.

Teoriojn, je kiuj ni kredas, ni nomas faktoj, faktojn, kiujn ni malfidas, ni nomas teorioj.

Vero ne estas tio, kio estas vera, sed tio, kio konvinkas i aliajn.

Ripetante ion, ĝi fariĝas konata. La konata povas resti nerimarkita kiel vero, eĉ se ĝi ne estas la vero.

Kredu tiujn, kiuj serĉas la veron, malfidu tiujn, kiuj jam trovis ĝin.

Kvankam malofta estas la vero, la provizo ĉiam estis pli granda ol la postulo.

Sincereco ne estas diri ĉion, kion vi pensas, sed vere signifi ĉion, kion vi diras.

Proverboj ĉiam estis kliŝoj, ĝis mi mem persone spertis la veron en ili.

Aforismo ne egalas al la vero: ĝi estas duonaj aŭ unu kaj duono veroj.

Kiam virinoj kverelas, la vero eliras.

Per troigo vi alproksimiĝas al la vero.

Vero kun modifo estas fidinda mensogo.

Kiu hezitas eble pravas.

Tempo konvertas pli ol vero.

Prokrastado estas danĝera maniero nei la veron.

Pli bone honesta ne ol falsa jes.

Kial ne diri ĝin rekte: ne ekzistas vero - ekzistas nur opinioj.

Ne ekzistas faktoj, nur interpretoj.

Kion vi kaŝis en la neĝo, eliras en la degelo.

Tradicio estas la iluzio de io daŭra.

Misrezono estas pli danĝera ju pli da vero ĝi enhavas.

Por igi la veron pli verŝajna, vi nepre devus miksi iom da mensogo en ĝin.

Mensogo 

La mensogo diferencas de la vero nur per tio, ke ĝi ne estas la vero.

Mensogo ne estas mensogo ĝis la vero estas rivelita.

Vortoj povas mensogi, sed agoj ĉiam montras la veron.

Kiu malpravas konvinkas pli facile konvinki ol tiu, kiu duone pravas.

Estas bone, ke ekzistas mensogoj - imagu, se ĉio, kion ni aŭdas, estus vera.

Se ĝi ne estas vera, tiam almenaŭ ĝi estas boninventita

Ekzistas mensogoj, kiuj estas pli kredindaj ol la vero.

Reklamo estas la arto fari tutajn mensogojn el duonveroj.

Virinoj mensogas pri sia aĝo, viroj pri sia enspezo.

Per kunigado de mensogoj kaj kredemo, publika opinio estas kreita.

Mensogo estas kiel neĝbulo; ju pli malproksimen vi ruligas ĝin, des pli granda ĝi fariĝas.

La plej abomenaj mensogoj estas tiuj, kiuj estas tre proksimaj al la vero.

Mensoganto bezonas bonan memoron.

Necesas saĝulo kun bona memoro por trakti mensogon. Ŝafa kapo pli bone tenu sin al la vero.

Nenio estas pli facila ol trompi honestan homon.

Estas pli facile trompi multajn ol unu solan.

Oni povas facile mensogi per statistikoj, sed estas pli facile sen ili.

Ju pli granda la mensogo, des pli granda la ebleco, ke ni kredos ĝin.

La viziulo mensogas al si mem, la mensoganto nur al aliaj.

La plej imagivaj homoj estas la plej naivaj, ĉar ĉio eblas por ili.

Eĉ se ĉiuj havas la saman opinion, ĉiuj povas erari.

Pli bone kun unu atestanto, ol dek, kiuj "aŭdis ĝin rakontita".

La malkuraĝulo nomas sin singarda kaj la avida nomas sin ŝparema.

Kiam klaĉoj malnoviĝas, ili fariĝas mito.

[Totuus]